Kulla e Dervish Alisë, ndërtesa 200-vjeçare që ndodhet në lindje të fshatit Dukat në Vlorë po shkon drejt shkatërrimit total. Gazetari i Report Tv Armand Xhelili sjell pamjet e kësaj banese me vlera të spikatura historike dhe etnografike. Ja gjendja e banesës së klerikut bektashi që vuri çështjen kombëtare mbi fenë dhe udhëhoqi kryengritjet fshatare të vitit 1847. Kjo kullë ka pamjen e një kështjelle dhe shquhet për arkitekturën e veçantë, duke ruajtur tiparet karakteristike te banesës së Labërisë. Kulla me komplekset e banesave rrotull saj u shpall monument kulture në vitin 1979.<br /><br />Tani syri të sheh vetëm një grumbull gurësh. Ambientet e këtyre kullave kanë pasur funksion të dyfishtë, banesë dhe kështjellë, me frëngji edhe për armët e zjarrit. Por aktualisht nuk gjen asnjë shenjë nga historia dhe madhështia e tyre. Porta kryesore është shkatërruar, në këtë banesë historike hyn çdo keqbërës i mundshëm duke vjedhur edhe sendet më vlerë që ka pasur kjo kullë.<br /><br />Armand Xhelili raporton për Report TV se ?Kullat e Dervish Aliut në fshatin Dukat të Vlorës po shkojnë drejt shkatërrimit total. Kjo është një nga ndërtesat më të bukura dhe me vlera historike, kullat e Dervish Aliut në fshatin Dukat të Vlorës , tashmë janë shkatërruar nga mos kujdesia dhe mirëmbajtja. Këto kulla janë shpallur monument kulture në vitin 1979, dhe janë bërë restaurime në kohë të ndryshme.<br /><br />Por siç duket dhe nga pamjet , këtu mund të quhet një grumbull gurësh, pasi çatitë kanë rënë, dyshemetë po ashtu, asgjë nuk është si më parë, dhe të tregojë vlerat që ka kjo ndërtesë 200 vjeçare.<br /><br />Sipas banorëve të fshatit Dukat, kjo kullë nuk shërben më për vizitorët , por vizitorët e saj janë bagëtitë dhe kafshët e fshatarëve të cilët i strehojnë aty. Porta kryesore është shkatërruar, dhe në këtë objekt kulturor hyn kushdo,edhe keqbërësit të cilët kanë marrë sendet më vlerë që ka pasur kjo kullë.<br /><br />Ky kompleks është ndërtuar në 1847-48 ,dhe përfaqëson banesë e tipit kullë me tipare mbrojtëse dhe më të bukurat në Shqipërinë e Jugut. Si pjesë më të rëndësishme të këtij ndërtimi përmendim kullën e vrojtimit, kullën mbrojtëse si dhe disa orendi të cilat nuk ndodhen më , si divani me kolona guri e harqe, shtëpinë e bukës, odën e miqve e banesa të tjera ndihmëse. Po ashtu në këtë banesë janë hapur dhe frëngji, ku dhe pozicioni kontrollonte gjithë territorin. Kulla e Dervish Alisë, ndërtesa 200-vjeçare që ndodhet në lindje të fshatit Dukat në Vlorë.
