Një tjetër atentat ka ndodhur në kryeqytet. Ajet Zeqaj nga Tepelena rreth 35 vjeç është vrarë me armë zjarri silenciator dhe bëhet e ditur se vite më parë ka qenë punonjës policie. Zeqaj kishte 20 ditë që ishte kthyer nga Franca.<br /><br />Burime pranë policisë së kryeqytetit, bëjnë me dije se, ngjarja ka ndodhur në zonën e ish-Bllokut në sheshin Willson.<br /><br />Dyshohet se është ngjarje kriminale e mirë menduar, pasi viktimës i është ngritur një pritë, pasi atentati ka ndodhur në një zonë të pandriçuar midis dy pallateve.<br /><br />Sipas dëshmive, dyshohet se autori ka qenë i maskuar me një kapele dhe ka lënë në vendin e ngjarjes armën e krimit.<br /><br />Policia ka rrethuar zonën, ndërkohë që ka nisur pyetjen e personave që kanë qenë në lokal.
