Pas vrasjes në Tiranë ky mëngjes ka nisur me një vrasje edhe në fshatin Shkallë, Manëz të Durrësit. Një 54-vjeçar, ish-kryeplak i këtij fshati, u gjet i pajetë nga familjarët e tij në oborrin e banesës, ku ishte i goditur me sende të forta në kokë.<br /><br />Shqiptarja.com mëson se viktima është Mirosh Djaloshi. Burime nga Policia thanë për Shqiptarja.com se të dhënat paraprake nuk përjashtojnë mundësinë për një krim brenda familjes. Blutë e qytetit bregdetar kanë dyshime që Djaloshi të jetë qëlluar me sende të forta nga vetë familjarët.<br /><br />Mirosh Djaloshi njihej si person i alkoolizuar, ndërsa mësohet se natën e ka kaluar në shtëpinë e tij, çka hedh dyshimet më shumë drejt familjarëve.<br /> <br />Policia ka shoqëruar të gjithë anëtarët e familjes për të hedhur dritë mbi këtë ngjarje e për të mësuar rrethanat e saj. Mësohet se janë shoqëruar në komisariat edhe tre fëmijët e ish-kryeplakut.<br /> <br />Trupi i tij është në morgun e spitalit për tu kryer ekspertiza.
