Objektet që ndodhen të ekspozuara në Muzeun Etnografik të qytetit të Kukësit po kërcënohen nga lagështira që ka përfshirë godinën në të cilën ato ndodhen.<br /><br />Si pasojë e lagështirës vlerat dhe pasuritë e trashëgimisë kulturore të trevës së Kukësit po shkojnë drejt degradimit. <br /><br />Vetë godina e muzeut e cila është një banesë me vlera unikale në këtë qytet po shkon drejt shkatërrimit.<br /><br />Sipas Bashkisë, në mungesë fondesh, do të ndërhyhet për restaurimin sipërfaqësor të këtij muzeu por kjo nuk do ta zgjidh përfundimisht problemin e lagështisë, e cila rrezikon ambientet e këtij objekti.<br /><br />Ndërtimi i Muzeut Etnografik u mundësua vite më parë përmes një fondi prej afro 15 milionë lekësh akorduar nga PNUD-i.<br /><br />Ky muze është pjesë e Kullës së Qëndresës, e ngritur në qendër të qytetit të Kukësit në përkujtim të ngjarjeve të pranverës së vitit 1999, kur kosovarët u dëbuan me dhunë nga vatrat e tyre.
