TIRANE - Gjykata e Tiranës ka vendosur të lë të lirë Deivis Mukën dhe të dashurën e tij Matilda Mertini,të cilët u arrestuan pak ditë më parë si autorë të 10 supergrabitjeve të makinave në Tiranë dhe Kamëz.<br /><br />Gjykata e Tiranës dha masën e sigurisë të "detyrimit të paraqitjes" çka do të thotë se çifti duhet të paraqiten në Policinë gjyqësore çdo të hënë në orën 10:00 të paktën deri në përfundim të hetimeve.<br /><br />Ne deshmine e tij Muka eshte shprehur se e ka babain drejtor ne Ministrine e Bujqesise por pa specifikuar konkretisht sektorin qe ai mbulon.<br /><br />Policia ka faktuar 10 vjedhje që të rinjtë kanë kryer në makina të parkuara, në të gjitha rastet pa thyerje xhami. Kjo pasi, çifti i të rinjve përdorte një pult që bllokonte mbylljen e makinave në momentin që shoferi e mbyllte me pultin e tij.<br /><br />Muka dhe Mërtini vidhnin sende personale (parfume, celularë) që gjenin në makinë si dhe shuma të konsiderueshme parash.
