Pas akteve terroriste në aeroportin e Zaventem dhe metron e Maelbeek në Bruksel masat shtesë të sigurisë kanë prekur dhe aeroportin e Rinasit. Ndërsa ReportTv sjell pamjet satelitore se si avioni i nisur nga Rinasi me destinacion Brukselin është kthyer mbi hapësirën ajrore gjermane pak çaste pas sulmeve terroriste të ndodhura në Bruksel.<br /><br />Të rrezikuar nga aktet terroriste të cilat goditën Brukselin këtë të martë kanë qenë dhe 42 shtetas shqiptar, por fatmirësisht avioni i tyre ka ndërruar destinacion në fluturim duke zbritur në Paris.<br /><br />Pamjet që shihni i përkasin intinerarit të avionit të nisur nga Rinasi në orën 06:47 min të mëngjesit të kësaj të marte dhe teksa ishte 35 minuta larg aeroportit të Zaventem në Bruksel ai ka ndërruar destinacion.<br /><br />Avioni i nisur nga Tirana ka bërë kthesën që shihni në hapsirën ajërore Gjermane dhe më pas ka mbërritur në Francë.<br /><br />Ndërkohë masat e sigurisë kanë prekur dhe aeroportin e Rinasit pas kësaj ngjarje ku burime për ReportTv bënë me dije se agjentët e sigurisë kanë kaluar në gatishmëri deri në një urdhër të dytë.<br /><br />Ndërsa këto pamje satelitore i përkasin fluturimit dhe intinerarit të 19 Marsit Rinas-Zaventen, ku ky fluturim kryhet për 2 orë e 15 minuta.<br /><br />Njoftimi i plotë nga Aeroporti "Nënë Tereza"<br />Aeroporti Ndërkombëtar i Tiranës (TIA) njofton se më datën 22 Mars 2016, avioni i linjës Tiranë ? Bruksel ? Paris që operohet nga Adria Airways, me 42 pasagjerë në bord, është nisur nga Tirana sot në orën 6.47 dhe është ulur në Paris, në aeroportin ?Charles de Gaulle?.<br /><br />Zbritja në Bruksel ? destinacion në programin e fluturimit të kësaj linje - u anullua pas ngjarjeve të mëngjesit të sotëm në kryeqytetin belg. Avioni Bombardier CRJ 900 u ul me të gjithë pasagjerët në destinacionin e radhës, Paris.<br /><br />Në vijim njoftohet se masat e kontrollit dhe të sigurisë në Aeroportin Ndërkombëtar të Tiranës ?Nënë Tereza? janë shtuar. <br /><br />Aeroporti Ndërkombëtar i Tiranës mbetet në shërbim të publikut për çdo informacion.
