TIRANE - Fakti që shumë xhihadistë në luftën e Sirisë janë shqiptarë, na bën të rrezikuar ndaj terrorizmit. Kështu u shpreh ministri i Punëve të Brendshme Saimir Tahiri gjatë raportimit në Komisionin kuvendor të Sigurisë Kombëtare.<br /> <br />"Është e vërtetë që jemi të rrezikuar nga rreziku i terrorizmit, përsakohë kemi qenë në gjendje të eksportojmë luftëtarë të huaj kjo është një situatë ku rreziku mund të na vijë mbrapsht", tha ministri.<br /> <br />Megjithatë, ai shtoi se edhe në këtë situatë nuk ka vend për panik, duke evidentuar këtu pozitën e mirë të vendit tonë sa i përket harmonisë fetare mes komuniteteve të ndryshme.<br /> <br />Tahiri shtoi se në bashkëpunim me Shtetet e Bashkuara të Amerikës, në Shqipëri do të ngrihet një qendër për të orientuar të rinjtë lidhur me ndarjen e tendencave radikale nga praktikimi i fesë. <br /><br />Duke ju referuar sulmeve terroriste që tronditën Brukselin dhe mbarë Evropën më 22 mars, ministri i Punëve të Brendshme i bëri thirrje presidentit Bujar Nishani që të dekretojë ligjin për sigurinë publike. Ministri shtoi se policia ka kaluar në gjendje gatishmërie pas shpërthimeve tragjike që shënuan dhjetëra t vrarë e qindra të plagosur, ndaj hyrja në fuqi e ligjit do të rriste edhe më shumë sigurinë publike, theksoi Tahiri.
