Pronarët dhe shitësit, veçanërisht ata të shitjes së telefonave celularë, duhet të tregohen të kujdesshëm nga klientët fiktivë që futen në ambientet e tyre. <br />Shumë prej tyre mund të jenë të veshur mirë, me rroba të shtrenjta, por kujdes. <br /><br />Ata mund të jenë keqbërës. Report tv, ka siguruar një video në të cilën tregohet se si dy hajdutë hyjnë dhe vjedhin një telefon në dyqanin e ndodhur në qendër të Tiranës.<br /><br />Këto pamje kanë alarmuar policinë e Tiranës e cila pas identifikimit ka shpallur në kërkim dy të rinjtë.<br /><br />Nga dëshmitë e marra në dyqanin që është kryer vjedhja rezulton se ata fillimisht janë prezantuar si blerës duke kërkuar informacion për çmimet e celularëve të shtrenjtë dhe teksa bisedojnë me shitësin kryejnë vjedhjen.<br /><br />Personi që shihni me rreth të kuq kur afrohet hap sirtarin ku qëndrojnë telefonat dhe me shpin fshihet nga shitësi dhe merr telefonin. Pa e kuptuar se pas tij qëndron një kamer sigurie ai merr telefonin e fut në xhepin e pasëm e më pas largohet nga dyqani sëbashku me shokun e tij me të cilin u futën për të blerë por ishin grabitës.
