Qyteti i Korçës është përfshirë sot nga reshje dëbore të cilat kanë rikthyer temperaturat e ulëta.<br /><br />Sipas meteorologëve, reshjet e dëborës kanë ardhur pas disa ditë reshje shiu të cilat ranë në gjithë rajonin jug-lindor.<br /><br />Dëbora e rënë ndonëse në qytet nuk ka paraqitur problematika të mëdha, në zonat e thella malore ato kanë shkaktuar probleme në qarkullimin e automjeteve, pasi kanë gjetur të papërgatitur drejtuesit e automjeteve të cilët nuk kanë qenë të pajisur me mjete dimërore.<br /><br />Policia rrugore ka nxjerrë në të gjitha akset rrugore post-blloqe për të monitoruar trafikun dhe parandaluar ndonjë aksident të mundshëm rrugor.
