Përfaqësues të Partisë Demokratike dhe dhjetëra qytetarë u mblodhën sërish sot në mbrotje të një kauze që në fakt e nisi shoqëia civile por tashmë duket se kaloi në çështje krejtesisht politike, ate kendit te lojerave tek liqeni.<br /><br />Deputetë të saj të mështetur nga të rinjtë e Forumit Rinor Demokrat u përplasën me forcat e policisë së rendit dhe asaj bashkiake. Për të qetësuar situatën u angazhuan dhe forcat speciale të policisë së shtetit. Protestuesit prishën gardhin rrethues të kantierit.<br /><br />Në krye të protestës ishin deputetët, Gerti Bogdani, Flamur Noka, Edi Paloka, Gent Strazimiri, Ridvan Bode, këshilltarë bashkiak të kësaj force si dhe të rinjtë e FRPD-së. Përfaqësues të shoqërisë civile nuk iu bashkuan kësaj proteste. Policia ka shoqëruar në komisariat disa persona. Gjatë përplasjes tre prej tyre u ka rënë të fikët. Deputetët demokratë deklaruan se do të vazhdojnë protestat e tyre. Edi Paloka u shpreh se qeveria po mbron paligjshmërinë me shtet policor. <br /><br />Shoqëria civile nuk i është bashkuar protestës së sotme të Partisë Demokratike, ku të pranishëm janë disa deputetë të kësaj force politike.
