Sekretari i Përgjithshëm i Partisë Demokratike, Arben Ristani, u shpreh sot, pas mbledhjes së grupit parlamentar të PD, se Gent Strazimiri nuk ka patur pistoletë me vete në protestën e opozitë te Parku i Liqenit.<br /><br />Sipas tij, ajo që duket si pistoletë, mund të jetë këllëfi i celularit, ndërsa akuzoi mediat se arma është shpikje e tyre për të njollosur protestën e PD.<br /><br />"Strazimiri nuk ka patur pistoletë. Është një mashtrim mediatik për të njollosur protestën e opozitës. Për mua, ajo që duket si pistoletë, mund të ketë qenë këllëfi i celularit", u shpreh Ristani.<br /> <br />Ai theksoi gjithashtu se nuk mund të ketë arrestim në kushte flagrance për Strazimirin.<br /><br />"Parlamenti nuk autorizon arrestim në kushte flagrance. Nëse do te ishte në kushte flagrance, arrestimi i tij do të kishte ndodhur", tha Ristani.
