Megjithëse Shoqata e të Larguarve nga Puna akuzon për mbi 10 mijë të pushuar nga institucionet shtetërore, Departamenti I Administratës Publike raporton se në vitin 2015 janë liruar nga shërbimi civil vetëm 739 persona.<br /><br />Departamenti ka bërë publik raportin për vitin 2015, nga I cili rezulton se 167 prej të liruarve kanë dalë në pension, 423 janë dorëhequr, 97 janë larguar për shkelje disiplinore, 39 pasi kanë 2 vlerësime të njëpasnjëshme negative, ndërkohë që 13 janë dënuar me vendim të formës së prerë të gjykatës.<br /> <br />Departamenti thekson në raport se gjatë vitit 2015 janë dhënë gjithsej 329 masa disiplinore. 97 prej masave disiplionre janë me largim nga shërbimi civil (vendim i komisionit disiplinor).<br /><br />Në 172 raste është dhënë si masë disiplinore mbajtja deri në 1/3 e pagës për një periudhë deri në 6 muaj. Në 33 raste është dhënë masa pezullim deri në 2 vjet, nga e drejta e ngritjes në detyrë, përfshirë rritjen në shkallën e pagës. Ndërsa në 27 të rasteve bëhet fjalë për vërejtje të dhënë nga eprorët direktë.
