Një ditë pas protestës së dhunshme tek parku i liqenit artificial,në të cilën pati konfrontime mes protestuesve dhe policisë së Shtetit dhe asaj bashkiake, Partia Demokratike ka depozituar kallëzimin për drejtorin e policisë së Tiranës dhe atë të Policisë Bashkiake.<br /><br />Sipas PD bëhet e ditur se, shkak për këtë kallëzim është bërë dhuna e ushtruar ndaj përfaqësuesve të Partisë Demokratike nga ana e tyre.<br /><br />Kallëzimi ndaj Ervin Hodaj dhe Ermal Kapllani është depozituar në Prokurori nga Arben Ristani dhe Ivi Kaso.<br /><br />?Vepra është kryer gjatë protestës së djeshme, shpresoj tek shteti ligjorë pasi pjesën tjetër e ka përdhos kjo qeveri. Ne vazhdojmë të zhvillojmë besimin tonë tek Prokuroria, e vetmja pjesë që ka ngelur tek shteti ligjorë. Arrestimi dhe ndalimi i protestuesve me dhunë dhe maska është shkelje e ligjit. Policia bashkiake nuk duhet të marrë pjesë në tubime. Kauza jonë nuk kufizohet me liqenin, por kauza jonë është me paligjshmërinë që ka kjo qeveri? ka thënë Ristani.<br /><br />Ai është ndalur edhe tek çështja e armës së Strazimirit ku sërish ka theksuar se ai në tubim nuk ka qenë i armatosur.<br /><br />?Çështja me Strazimirin lojë për të tërhequr vëmendjen nga beteja jonë që kemi me qeverinë që ka ngritur krimin në sistem. Starzimiri nuk ka pasur armë? ka përfunduar Ristani.
