Pas 3 vitesh Policia e Tiranës mundi të arrestjë të kërkuarin Ilir Hysenagolli, shpallur në kërkim për akuzën ?Shtrëngim me anë të kanosjes për përfitim?, për të cilën Gjykata e Krimeve të Rënda e ka dënuar me 5 vite burg.<br /><br />Hysenagolli, është dënuar nga gjykata pasi ka kërcënuar dhe ka kanosur Fabjan Shabën, tregtar librash fetarë, kryesisht myslimanë. Shaba njihet njëkohësisht si trashëgimtar i madh pronash të patundshme në Yzberisht, në të cilat janë ndërtuar objekte banimi dhe tregtare.<br /> <br />Hysenagolli i cili njihej mjaft mirë me Shabën, ka shfrytëzuar si rrethanë të gjobëvënies së tij, faktin se Shaba, ishte martuar me gruan e divorcuar të një besimtari mysliman.<br /> <br />Ky i fundit herë pas here kishte kërcënuar Shabën që të ndahej nga ish- gruaja e tij, deri sa tregtari Shaba vendosi ta denonconte dhe policia arrestoi ish-bashkëshortin.<br /> <br />Në këto rrethana për të krijuar mendimin se gjoba mund t?i ishte vënë nga ky person, Ilir Hysenagolli, dërgoi një letër me 31 gusht të vitit 2013, nëpërmjet taksistit Albert Zerani.<br /> <br />Ky i fundit ia kishte lënë letrën në xham. Pasi ka lexuar letrën në të cilën persona të paidentifikuar i kërkonin 100 mijë euro, tregtari i librave fetarë denoncoi në polici rastin.<br /> <br />Dyshimi i Shabës, ishte se kurthin mund t?ia kishte ngritur ish- burri i gruas me të cilën Shaba tashmë ishte martuar. Pas hetimit të kryer policia konfirmoi se ish- burri i gruas me të cilën ishte martuar tashmë Shaba, nuk ishte përfshirë në këtë situatë.<br /> <br />Madje hetuesit identifikuan si të dyshuar taksitin Zerani, një person tjetër si dhe shpallën në kërkim Hysenagollin.<br /> <br />Pas hetimit gjyqësor, Gjykata e Krimeve të Rënda, dënoi Hysenagollin, me 5 vite burg, ndërsa Zeranin të dyshuar si bashkëpunëtor me periudhën e parabugrimit, rreth një vit e gjysëm. Ndërkaq dje policia arrestoi veç Hysenagollit, edhe Arben Pashën, të dyshuar si përkrahës të autorit të krimit.
