TIRANË- Partia Demokratike i ka dhënë ?ok? programit të saj qeverisës. Ishte nënkryetari i opozitës, Edmond Spaho i cili tha pas mbledhjes me dyer të mbyllura në selinë blu, se programi elektroral është i përfunduar në linjat kryesore.<br /><br />"Tashmë mund të themi që pas një pune disa mujore dhe diskutimeve brenda grupeve që ishin ngritur për këtë qëllim, dhe diskutimeve me ekspertë të fushës, programi i Partisë Demokratike për zgjedhjet e ardhshme parlamentare është i përfunduar në linjat kryesore," tha Spaho.<br /><br />Nxitja e ekonomisë së vendit, ulja e taksave dhe reduktimi i varfërisë janë disa nga objektivat kryesore në platformën elektorale të PD-së.<br /><br />"Objektivat e tij do të jenë që të nxisë ekonominë e vendit në mënyrë që gjenerojmë vende pune, të mund t?i jepet një impuls sa më i madh ekonomisë me synimin e tërheqjes së investimeve të huaja, uljen e taksave, krijimin e hapësirave sa më të mëdha për punësim dhe zhvillimin e degëve të tilla të rëndësishme si bujqësia, turizmi, mjedisi. Programi synon reduktimin e varfërisë, rritjen e pagave dhe pensioneve, në mënyrë që vendi të futet në rrugën e zhvillimit dhe rritjes së mirëqënies për të gjithë qytetarët shqiptarë," deklaroi numri 2 i opozitës.<br /><br />Sipas tij, në javët e ardhshme programi qeverisës do të diskutohet me grupet e interesit dhe qytetarët.<br /><br />"Në javët e ardhshme ne do të vazhdojmë me fazën e dytë për prezantimin e të gjithë pjesëve të programit, tek grupet e interesit, tek qytetarët, për të marrë ide dhe sygjerime të tjera finale, të cilat do të bëjnë të mundur paraqitjen e një varianti përfundimtar për zgjedhjet e ardhshme parlamentare," përfundoi Spaho.<br /> <br />Burime për Report TV nga selia blu thanë se pjesë e diskutimeve në mbledhjen e kryetarit Lulzim Basha me drejtuesit e departamenteve dhe sekretariateve të PD ishte edhe aksioni opozitar.
