Tre persona, mes tyre edhe një mësues i shkollës së mesme në Shënkoll, u arrestuan sot nga policia e Lezhës, pasi u kapën në flagrancë me marijuanë.<br /><br />Në kuadër të operacionit policor të koduar "Arbeit", është vënë në pranga mësuesi 46-vjeçar Fatmir Ndreca, i cili dyshohet se u shpërndante marijuanë nxënësve të shkollës ku ai jepte mësim.<br /><br />Pas një hetimi 4-mujor, përveç mësuesit u arrestuan edhe dy të tjerë: 24-vjeçari Sabri Zyba dhe 41-vjeçari Petrit Gjoka. Të tre personat e sipërmendur janë banues në Lezhë. Ata u vunë në pranga për veprën penale të "Prodhimit dhe shpërndarjes së lëndëve narkotike".<br /><br />Burime zyrtare nga policia bëjnë me dije se janë sekuestruar 340 cigare, brenda të cilave ishte kamufluar marijuanë, 555 doza lëndë narkotike e dyshuar si kanabis, të ambalazhuara në qese farmaceutike, 56 kubik bimë të kultivuara në gota plastike të dyshuara si narkotike, 1 automjet tip ?Mitsubishi? me targë AA092GE, 4 celularë, si dhe 1 armë gjahu me leje.<br /><br />Bimët e kultivuara në gota plastike dhe arma e gjahut u sekuestruan në banesën e mësuesit.
