Pas apelit në Report TV Ina Balla, nena 36 vjecare që vuan nga kanceri i gjirit sot ka një zgjidhje. Analiza speciale që do të bejë pas kimioterapisë do të bëhet falas nga Spitali Onkologjik në QSUT. Shefja e Shërbimit të Onkologjikut,Dhurata Tarifa dhe mjekja që kujdeset për të, Flutura Proko u shprehën për Report TV se analiza do të kryhet javën tjetër dhe më pas do t'i jepet kura e radhës për të luftuar kancerin e gjirit, një sëmundje që vuan prej vitesh dhe per fat te keq, gruaja e re eshte ne nje faze te avancuar. <br /><br />Ina Balla thotë se i ka ndjekur kurat, por për shkak të problemeve kryesisht ekonomike në të shumtën e rasteve këto kura nuk i ka bërë në kohën e duhur. Dhe kjo për një fakt shumë të rëndësishëm. Nuk kishte mundësi financiare.<br /><br />"Më thanë tani që të bëj një analizë tjetër te privati që kushton 250 euro që për të parë situatën. S kam mundësi t'i bëj, të mbaj fëmijët apo t'i përgjigjem vetes me ilaçe. Terapinë e rradhës e kam me datën 13 ."-thote ajo mes lotësh. Nga QSUT sigurojne se Ina do t'i beje te gjitha kurat e analizat ne kete spital dhe jo me pagese tek privatet.<br /><br />Përveç luftës me kancerin Ina Balla përballet çdo ditë më vështirësitë financjare. Me vetëm 3500 lekë asistencë në muaj ajo e ka të pamundur të rritë dy vajzat e saj. Por lufta me kancerin për të nuk është asgjë, përball imazhit të dy vajzave të përlotura, që çdo ditë u thyhet shpirti teksa shohin nënën të lëngojë në shtrat.<br /><br />"Bëra të tretën normale ndërsa në të katërtën mu hapën probleme, më preku mëlçinë. Si përballoj dot se me 35 mijë lekë të vjetra asistencë jam. Vazhdova me këtë punën e terapisë me ndërprerje deri domethënë e kisha me 15 Dhjetor arrita deri me datën 22 Mars. Me 22 Mars unë bëra terapinë e katërt. Sot bëj tetë ditë që unë bëj terapinë e katërt. "- rrëfen gruaja.<br /><br />Report TV u bën apel të gjithë atyre që kanë mundësi të kontribojnë, e ta kontaktojne drejtpersedrejti për të ndihmuar jo vetëm atë, por edhe dy vajzat e saj ne kete numer kontakti dhe llogarie bankare AL70206110040000100574353001 Tirana Bank<br /><br />Dhe numri i telefoni 0693575584<br /><br />Lini një kafe mënjanë për t'i dhuruar jetë një gruaje të sëmurë e për të shmangur fatkeqësinë e dy vajzave te mitura. Bamirësia nuk i kushton askujt.
