Partia Demokratike ka akuzuar sot Kryeministrin Edi Rama se, ka dhënë 9 milion e gjysëm dollar për rikonstruksionin e një rruge e cila është e gjatë 950 metra në Lin të Pogradecit.<br /><br />Në një dalje për mediat, Sekretarja e Marrëdhënieve me Publikun, Grida Duma e ka konsideruar këtë si një aferë skandaloze, që Rama ka ndarë me miqtë e tij.<br /><br />Sipas saj, tenderi për këtë rrugë ka edhe paligjshmëri të tjera, ndër të cilat përmend mungesën e mbikqyrësit të punimeve, apo edhe favorizim të kompanisë që ka ndërtuar këtë rrugë.<br /><br />Duma ka thënë se, 9 milion e gjysëm dollarë jepen pa garë dhe me fitues të përcaktuar.
