Kryetari i Partisë Demokratike, Lulzim Basha teksa ka marrë pjesë në përkujtimin e vrasjes së 4 protestuesve të 2 prillit në vitin 1991 ka bërë thirrje që të zbatohet ligji i dekriminalizimit dhe të çlirohet vendi nga oligarkia.<br /><br />Përveç kësaj, Basha ka thënë se Partia Demokratike është për një Reformë në Drejtësi që jep drejtësi dhe se Reforma Zgjedhore duhet të sjellë zgjedhje të lira e të ndershme.<br /> <br />?Duhet të zbatohet ligji i dekriminalizimit. Reforma në drejtësi duhet që të japë drejtësi, ndërkohë që reforma zgjedhore duhet që të sjellë zgjedhje të lira e të ndershme? ka thënë ai.<br /> <br />Duke u ndalur tek qeveria, Basha ka është shprehur se, sot qytetarët duhet ti dalin përpara regjimit Rama-Meta si 25 vite më parë, pasi qeveria po mendon të pasurohet për vete duke varfëruar qytetarët.<br /> <br />?Ti dalim përpara të keqes si 25 vite më parë. Regjimi i Ramës mbjell ndasi, urrejtje e diskriminim. Qëllimi i qeverisë është pasurimi për vete. Kjo është një aleancë e pashembullt me krimin. Duhet të tregojmë vendosmëri për të hapur kapitullin e demokracisë. Jemi përballë tyre, më të bashkuar e të shumtë që të çlirojmë Shqipërinë nga kthetrat e oligarkisë Rama-Meta? ka thënë Basha.
