TIRANË- Për Ina Ballën dhe dy vajzat e saj tashmë ka më shumë shpresë se mund të përballohet sëmundja e kancerit të gjirit. Apeli në Report Tv ka bërë që shumë qytetarët të dhurojnë para në llogarinë bankare.<br /> <br />Por barra më e rëndë financiare, qiraja, tashmë do t'i paguhet nga Bashkia e Tiranës. Drejtoresha e strehimit Eva Rrahmani ka vizituar Ina Ballën, duke premtuar se nga muaji tjetër qiraja prej 14 mijë lekësh të reja do t'i subvencionohet nga bashkia.<br />"Bashkia e Tiranës ka një program për njerëzit të cilët janë të pastresë që është bonusi i qerasë që quhet subvencionimi i qerasë. Menjëherë erdha pranë zonjës Ina për t'i thënë që do t'i subvencionohet që prej muajit të ardhshëm qeraja," tha Rrahmani.<br /><br />Nismës së dhurimit i është bashkuar edhe ?Fundjava Ndryshe?, e cila ka çuar ushqime dhe lodra për dy vajzat e Ina Ballës. Buzëqeshja tek vogëlushet është rikthyer sërish. Ina Balla ka kryer vizitat mjekësore ditën e shtunë duke bërë edhe analizat përkatëse. Ajo thotë se tashmë është e lumtur nga sensibilizimi dhe më e fortë për të luftuar me kancerin.<br /><br />"Nuk kisha shpresa. Isha e vetme. Pa ndihmë pa gjë. Një fije peri më kishte ngelur. Më kishin humbur shpresat. Sot më është hapur një dritë, kam shpresa , kam gjëra, forca e kurajo. Është ndihmë e madhe sepse të jesh e vetme me dy fëmijë, me qera, me halle mbi kokë. Është katastrofë, me një sëmundje. Sot jam lehtësuar goxha," shprehet ajo.<br /><br />Ina ka një mesazh edhe për Report TV. "Është ndihmë e madhe për mua. Ju faleminderit juve Report tv dhe këdo." 37-vjeçarja vuan nga kanceri i gjirit dhe është duke u trajtuar intensivisht në spitalin Onkologjik. Mjekët janë shprehur se gjendja e saj është e rëndë, por do t'i bëhen të gjitha analizat dhe terapitë në mënyrë që të luftojë këtë sëmundje.<br /><br />Edhe njëherë Report TV u bën apel qytetarëve që të ndihmojnë Ina Ballën dhe dy vajzat e saj, për shkak të gjendjes së rëndë ekonomike në të cilën ndodhet. Aktualisht ajo merr vetëm 3500 lekë asistencë sociale. Pas publikimit të rastit të saj mjeket e QSUT-se kane siguruar se Ina do te marre mjekimin e plote dhe te vazhdueshem. Edhe ata te Spitali Amerikan kane ofruar shërbimin e analizës falas ndërsa edhe shoqatat humanitare i janë gjendur pranë.<br /><br />Report Tv do t'ju sjellë sërish informacione të reja pas trajtimit shëndetësor që Ina do të marrë. Report TV u bën apel të gjithë atyre që kanë mundësi të kontribojnë, e ta kontaktojne drejtpersedrejti për të ndihmuar jo vetëm atë, por edhe dy vajzat e saj ne kete numer kontakti dhe llogarie bankare AL70206110040000100574353001 Tirana Bank
