SHKODËR- Një aksident me dy 14-vjeçarë të plagosur rëndë ka ndodhur sot në fshatin Hot i Ri, në Shkodër.<br /><br />Motorçikleta tip "Yamaha" pa targa, me të cilën udhëtonin dy të miturit është përplasur me mjetin tip "Ford" me targa italiane (DC395PE) dhe për pasojë është plagosur drejtuesi i motorçikletës K.Gj., si dhe pasagjeri R.N., bëjnë me dije burime zyrtare nga policia.<br /><br />Drejtuesi i automjetit, 21-vjeçari V.Q. është shoqëruar në Komisariatin e Policisë Shkodër. Ndërsa, të plagosurit janë dërguar në Spitalin Rajonal Shkodër, në gjëndje të rëndë shëndetësore dhe më pas janë transportuar drejt kryeqytetit për shërbim të specializuar mjekësor.<br /><br />Aksidenti ka ndodhur në aksin rrugor Shkodër-Postribë, rreth orës 16:00.<br /><br />Sipas dëshmive të banorëve në vendngjarje, motorçikleta ka qënë duke lëvizur me shpejtësi, ndërsa automjeti ka qënë duke u futur në një rrugicë kur ka ndodhur përplasja. Pas kontaktit, motorçikleta ka bërë disa saltro në ajër dhe ka përfunduar në bahçen e një banese aty pranë. Një prej dëshimtarëve është shprehur se motorçikleta ka qenë duke lëvizur "me shpejtësi shumë të lartë". <br /><br />Kanë qënë banorë të zonës ata të cilët u kanë ardhur në ndihmë dy të rinjve duke njoftuar policinë dhe ambulancën.
