"Opsion V" është operacioni ndërkombëtar në kuadër të të cilit në 82 shtete janë ushtruar kontrolle kundër aktiviteteve kriminale të prodhimit të produkteve ushqimore dhe pijeve.<br /> <br />Në këtë operacion me indicie të Interpol dhe Europel, është përfshirë edhe Drejtoria për Hetimin e Krimit Ekonomik e Financiar në Policinë e Shtetit. Gjatë këtij operacioni janë kontrolluar 200 subjekte tregtare, persona fizikë, punishte dhe automjete si dhe janë proceduar penalisht 40 subjekte. Po ashtu janë arrestuar 6 persona dhe një eshtë shpallur në kërkim.<br /><br />Ja rezultatet e operacionit sipas Policisë së Shtetit<br />- Janë kontrolluar në total rreth 200 subjekte tregtare, persona fizike, punishte dhe automjete transporti.<br /><br />- Janë proceduar penalisht për veprën penale të "Shkeljes së të Drejtave të Pronësisë Industriale" (Neni 149/a te Kodit Penal), gjithsej 8 subjekte.<br /><br />- Janë proceduar penalisht për vepra të tjera penale si Kontrabandë, Prodhim të Kundraligjshëm, Falsifikim të Stampave, Vulave apo Formularëve, Fshehje e të ardhurave, etj (Nenet 172, 174, 179, 180, 190 si dhe 288/a te Kodit Penal) gjithsej 32 subjekte.<br /><br />- Janë proceduar penalisht në gjendje të lire 19 persona.<br /><br />- Janë arrestuar në flagrancë 6 persona,<br /><br />- Është shpallur kërkimi për 1 person.<br /><br />- Janë sekuestruar mallra të ndryshme ushqimore dhe pije të falsifikuara/nën standarde ne sasitë<br />48 828 litra verë<br />3 870 litra raki rrushi<br />120 litra birrë Peja<br />934 litra pije alkoolike të forta si Ëhiskey, Konjak, Fernet, Vodka, Uzo, Gin, etj<br />203 litra pije energjike B 52 dhe B 2<br />1990 litra musht rrushi<br />2640 kg kafe kokërr<br />83 kg mjaltë<br />18 000 kokrra vezë<br />aksesorë voluminoz kantine, etj.
