Familja Almir Dacit prej ditës së djeshme ka hapur dyert e mortit pasi kanë marrë lajmin për vrasjen e të të birit që mendohet se është vrarë në Siri.<br /> <br />Një gjë e tillë është e konfirmuar nga familjarët dhe së fundi edhe nga vëllai i tij Genci Daci, i cili bën me dije për Report Tv, se lajmin e hidhur e kanë marë nga bashkëshortja e Almirit që ndodhet në Siri.<br /> <br />Nga ana tjetër ai ka kërkuar që vëllain e tij të mos e quajnë terrorist pasi ka qenë njeri i mirë. Vëllai i madh i Almirit ka bërë sëfundi edhe një apel që trupi i tij të riatdhesohet dhe po ashtu edhe pjestarët e tjerë të familjes. <br /><br />Almir Daci akuzohej nga autoritetet shqiptare për rekrutim të personave për akte terroriste, ndërsa janë zhvilluar edhe disa procese gjyqësore në ngarkim të tij. <br /> <br />Deri dy vite më parë, Almir Daci ishte Imam në një fshat të Pogradecit, ndërsa më pas ishte larguar drejt Sirisë, bashkë me familjen e tij, gruan dhe fëmijët.<br /> <br />Daci njihej ndryshe me emrin Al Albani, ndërsa luftonte përkrah shtetit Islamik, ISIS.
