Report Tv zbardh detaje të reja nga hetimet për rrëzimin e helikopterit të ushtrisë, për shkak të të cilit mbetën të vdekur, dy pilotët kapiten Floran Deliaj dhe toger Donald Hoxha, si dhe u plagos ushtari Gerald Baramuça.<br /> <br />Burime të grupit të hetimit të Ministrisë së Mbrojtjes dhe Policisë së Shtetit thanë se nga hetimi është ngritur dyshimi se helikopteri është rrëzuar nga një problem në motorin e tij.<br /> <br />Burimet thanë se ky dyshim është ngritur bazuar në këqyrjen e helikopterit por edhe në dëshmitë e marra në vendin e ngjarjes.<br /> <br />Ekspertët kanë ngritur dyshimin se ky problem ka shkaktuar edhe mosfunksionimin e helikës së helikopterit, e përbërë kryesisht me fibër karboni. Po kështu sipas burimeve, është përjashtuar deri në këtë moment të hetimit, gabimi njerëzor i pilotëve.
