Pas ngjarjes tragjike të mëngjesit të së mërkurës kur një gardist vrau bashkëshorten vetëm 28 vjeçe, fshihet një histori e trishtë dhe e gjatë dhune. Ilda Dervishi ishte prej kohësh nën presionin e Admir Dervishit dhe nën dhunën fizike të tij. Një vendim gjykate tregon shkakun e vërtetë të krimit monstruoz që la jetim dy fëmijë te mitur.<br /><br />Edhe pse u raportua se xhelozia ishte shkaku që Admiri arriti të godiste për vdekje me 5 plumba Ildën, kjo nuk rezulton të jetë e vërtete pasi nëna e re ka pasur dy urdhra mbrojtjeje për dhunë të ushtruar nga bashkëshorti i saj në vitin 2013, pasi u vërtetua me ekspertizë të Institutit të Mjekësisë Ligjore dhuna e ushtruar prej tij.<br /><br />Sipas urdherit te Gjykates së Tiranes te 2013, gardisti Admir Dervishi, konsiderohej i rrezikshem ndaj bashkeshortes se tij deri ne ate pike sa i ishte detyruar nga gjykata t'i rrinte larg 500 metra distance nga Ida Dervishi. Por çuditerisht gjykata nuk e ka ndaluar gardistin te levize me pistoleten e sherbimit, me te cilen vrau bashkeshorten. Po eproret e gardistit a ishin te informuar per vendimin e gjykates ndaj gardistit?<br /><br />Jeta per Ida Dervishin duket te kete qene nje ferr i vertet. Ajo ka rrëfyer në polici se nëna e saj e paralizuar ka qënë shkaku pasi Admiri nuk e lejonte 28 vjeçaren të shkonte të takonte dhe të ndihmonte nënën me argumentin se ajo kërkon ta ndajë prej tij.<br /><br /> ?Ka filluar t?i fusë stres djalit, nuk më lë të shkoj as te nëna e paralizuar. Më ka kërcënuar dhe me pistoletë se do të më vrasë?, ka thënë para gjykatës 28-vjeçarja.<br /><br />?I thotë djalit të vogël gjëra të këqija për mua dhe ai më merr inat dhe më gjuan?, ka thënë Ida, e cila ka tërhequr disa muaj më pas urdhrin e mbrojtjes për hir të djalit.<br /><br />Ndërkohë sipas gardistit, problem i vetëm është nëna e bashkëshortes pasi ajo kërkon ta marrë në shtëpi. Sipas tij, ajo ia ka thënë shprehimisht se për të pasur nënën e saj afër pranon edhe të divorcohet.<br /><br />Ndërsa për dhunën e ushtruar ia ka deklaruar: ?Nuk e kam dhunuar, jam mbrojtur nga paditësja se më kishte zënë derën me thikë dhe i futa vetëm një pëllëmbë?.<br /><br />Më poshtë është vendimi i plotë i Gjykatës i vitit 2013 në të cilin del qartë në pah se 28 vjeçarja e dinte në njëfarë mënyre dhe ishte e paralajmëruar se do të vritej prej tij e pikërisht me amrën e shërbimit.
