Vëllai i ish-ministrit të Drejtësisë dhe ish- deputet i Partisë Demokratike, Enkelejd Alibeaj, dyshohet se është arrestuar nga policia gjermane në qytezën Hahn të Gjermanisë, në afërsi të Frankfurtit.<br /><br />Lajmi konfirmohet nga burime pranë Policisë së Shtetit. Sipas të njëjtave burime, 39 vjeçari, Taulant Alibeaj, është arrestuar me 6 prill nga policia gjermane me akuzën e vjedhjes me armë.<br /> <br />Por, në një lidhje me Skype për Report Tv, Taulant Alibeaj mohoi të jetë arrestuar nga policia gjermane, ndërsa nga ana tjetër konfirmoi se në datat e pretenduara se është arrestuar 6 prill, ka qenë në Gjermani për një vizitë familjare.<br /> <br />Ai mohoi gjithashtu të disponojë dokumente të rreme identiteti, sicc pretendon Policia Shqiptare.<br /> <br />Kjo shton edhe më tepër misterin e arrestimit të tij, pasi siç pretendon Policia Shqiptare, ai është arrestuar nga policia gjermane gjatë një aksioni në një qytezë të vogël në zemër të Gjermanisë.
