Një aksident rrugor me një të vdekur dhe tre të plagosur ka ndodhur sot në aksin rrugor Fier-Lushnje.<br /><br />Mësohet se viktima është Ermal Manaj, bëjnë me dije burime zyrtare nga policia. Ai ishte pasagjer në automjetin tip ?Ford? me targa A 444 JO, që është përlasur me pjesën anësore të rrugës. Në automjet, mësohet se udhëtonin katër të rinj, dy djem dhe dy vajza.<br /><br />Tre të plagosurit e tjerë janë transportuar për në spital dhe mësohet se një nga vajzat ndodhet në gjendje të rëndë për jetën.<br /><br />Burime nga policia bëjnë me dije se shkak për aksidentin dyshohet se është bërë shpejtësia e lartë me të cilin lëvizte automjeti, si dhe lagështia në rrugë.<br /><br />Nga pamjet, duket se përplasja ka qenë e fortë saqë automjeti është shkatërruar dhe një prej dëshmimtarëve tha se një prej dyerve të pasme të automjetit ka mbetur e bllokuar.
