Prej disa ditësh, dhjetë nxënësit e shkollës 9-vjeçare të fshatit Beçisht në Bashkinë Tepelenë, nuk zhvillojnë procesin mësimor.<br /> <br />Arsyeja është mosprezenca e mësuesve të kësaj shkolle.<br /> <br />Apelet e përhershme të prindërve të nxënësve karshi pushtetit vendor, kanë rënë në vesh të shurdhër ndërkohë që në mungesë të kësaj indiference, ata kanë kërkuar ndihmën e Report TV.<br /> <br />Me kameran e TV tonë, ne kemi shkuar sot, pranë kësaj shkolle por i vetmi mësues që gjendej brenda saj, sapo mori vesh për ardhjen e Report TV, është larguar menjëherë duke braktisur orën mësimore .<br /> <br />Ndërkohë një tjetër problem janë edhe kushtet e kësaj godine, te cilat nuk plotësojnë asnjë standard, teksa pamjet e fokusuara nga kamera jone nuk kane nevojë për shume koment.<br />Situata bëhet më komplekse kur mëson se ky ambient është privat dhe shteti paguan 50 mijë lekë të vjetra në muaj pronarit të këtij hauri të shndërruar në vatrën e dijes për vocërrakët e Beçishtit.<br /> <br />Deri më tani apelet nuk kanë reshtur ndaj organeve arsimore të rrethit apo dhe të pushtetit vendor.
