TIRANË- Ish kreu i Gardës së Republikës Ndrea Prendi fiton një tjetër pafajësi në gjykatat shqiptare pas procesit të "21 janarit" ku ai u akuzua për vrasjen e shtetasit Faik Myrtaj.<br /><br />Pafajësia për Prendin është dhënë në Gjykatën Penale më 24 mars 2016, siç dhe shihni në këtë kopje të vendimit siguruar nga Report Tv.<br /><br />Prokuroria kërkoi që Ndrea Prendi të dënohet me një vit burg, por sipas gjykatës ish gardisti nuk ka shpërdoruar detyrën dhe për pasojë është shpallur i pafajshëm.<br />Pafajësi sëbashku me Prendin ka fituar dhe ish drejtuesi i Gardës Artan Hoxha, ndërsa me shërbim prove për dy vite është dënuar vetëm Shqipe Jasimi ish financierja e Gardës.<br /><br />Këta tre ish funksionarë të Gardës së Republikës u hetuan për akuzën e shpërdorimit të detyrës e falsifikim dokumentash pasi duke paguar Shqipe Jasimin pa qenë e pranishme në punë i kishin shkaktuar shtetit një dëm ekonomik në vlerën e 616.000 lekë.<br /><br />Prendi, Hoxha dhe Jasimi përfundon në gjykatë si të pandehur më 30 dhjetor të 2014-ës ndërsa pas 28 seancave ky gjykim u mbyll me pafajësi.<br /><br />Kjo pafajësi është ankimuar nga prokuroria e cila ka kërkuar dënimin e Ndrea Prendit dhe Artan Hoxhës e ish shefes së fiancës Shqipe Jasimi me nga një vit burg.
