Shpallen fituesit e ?Ëndrra Ime 2016?. Zv. Kryeministri Niko Peleshi dhe përfaqësues të tjerë të qeverisë kanë takuar disa nga të rinjtë të cilët kanë patur një ide inovative apo për një biznes.<br /><br />Këta të rinj kanë marrë një grant deri në 500 mijë lekë për hapjen e biznesit dhe asistenc të kualifikuar në hapat e para. Kjo pasi ideja e tyre për biznes përbën një risi për Shqipërinë. Një prej tyre është edhe Ana, e cila ka gjetur një mënyrë për të reklamuar vendet turistike nëpërmjet fotove që bëhen me dron.<br /> <br />Zëvendëskryeministri Niko Peleshi tha se ?Ëndrra Ime 2016? mbështet të gjitha ata të cilët kanë një ide për biznes por nuk kanë mundësi për ta hapur atë.<br /><br />"Kryeministri ka shpallur një thirrje të dytë për idetë e reja apo ëndrrat e atyre që ishin mbi 30 vjeç, donin të fillonin një biznes apo kishin një ide interesante për komunitetin, të lagjes, të fshatit, apo një grupi të caktuar interesi, " tha Peleshi.<br /> <br />Të rinjtë nga ana e tyre kanë falenderuar qeverinë për mundësinë që u ka dhënë.
