Masakra e 4 nëntorit dy vite më parë në kryeqytet ku humbën jetën katër shtetas mes tyre dhe 20 vjeçari Arbër Demiraj do të ri-hetohet nga e para nga Prokuroria.<br /><br />Rihapjen e këtij procesi e ka vendosur Gjykata e Tiranës pas kërkesë së Skënder Demirajt i cili prej momenteve të para nuk ka reshtur duke kërkuar që ngjarja të zbardhet.<br /> <br />Por çfarë ndodh me atentatin ku në lokal ?Underground? humbën jetën Demiraj, Edison Jaho, 36 vjeç, Enea Xhaj, 38 vjeç dhe shtetasi Italian Giampaolo Azzolo?<br /><br />Më 10 Mars 2015, Gjykata dënoi me 35 vite burgim Konstandin Xhuvanin (djalin e ish deputetes Luiza Xhuvani) si autor të masakrës, krim për të cilin Xhuvani i shpëtoi burgut përjetë pasi gjykata procedoi me gjykim të shkurtuar.<br /><br />Në pretendimet e Skënder Demirajt ish prokurorit dhe babait të Arbër Demirajt që humbi jetën në këtë masakër, gjykata kërkon të hidhet dritë nëse iu dha apo jo ndihma e parë mjekësore Arbërit.<br /> <br />Sa minuta është vonuar ndihma e parë mjekësore, a përputhen dëshmitë e personave të pyetur për këtë ngjarje me provat shkencore?<br /><br />Rishikimin e pamjeve filmike të kamerave të sigurisë që kanë fiksuar ngjarjen, ri-inspektim të armës së gjetur pranë viktimës pasi arma sipas babit të Arbërit si përket atij por Erald Sidës personit që ishte në shoqërinë e Xhuvanit.<br /><br />Ky vendim është marrë më 7 Prill nga gjyqtari Kreshnik Omari dhe pritet që prokuroria tani të caktojë një tjetër grup hetuesish për të rihapur masakrën e 4 nëntorit ku humbi jetën dhe djali ish prokurorit Demiraj.
