Ish kreu i policisë Bashkiake dhe Inspektoriatit Ndërtimor Urbanistik Vendor të Tiranës, Florenc Hoxha dënohet nga gjykata me 1 vit e 4 muaj burg.<br /><br />Ky dënim ndaj Hoxhës është dhënë për dy akuzat që rënduan ndaj tij me një vit burg për ?Shpërdorim detyre? dhe 4 muaj e konvertuar në shërbim prove për akuzën e ?Plagosjes së lehtë? dhe ?Kryerja e veprimeve arbitrare?.<br /><br />Por si përfundoi i pandehur ish zyrtari i Bashkisë së Tiranës në kohën që drejtonte Lulzim Basha?<br /><br />Hoxha është denoncuar nga një familje në kryeyqtet, pasi këtyre të fundit po i?u grabitej prona në rrugën Reshit Petrela përgjatë vitit 2012 duke u bërë një ndërtim pa leje.<br /><br />Ndërtimi pa leje përfundoi një karburant i cili dy vite më pas do të prishej nga Inspektoriati Ndërtimor Kombëtar si një objekt pa leje.<br /><br />Paçka ankesave të familjes në kryeqytet sipas prokurorisë Florenc Hoxha me veprimet e mos veprimet e tij ka lejuar ndërtimin e objektit pa leje edhe pse ligji i jepte të drejtë ta prishte dhe të kallëzonte ndërtuesin abuziv.<br /><br />Ndërkohë dënimi i dytë me 4 muaj i konvertuar në shërbim prove që rëndon ndaj Hoxhës është ai i përfshirjes në një konflikt në 2 shkurt 2015, ku sipas gjykatës fjalori i përdorur ka cënuar figurën e funksionarit publik që Hoxha mbante prej disa vitesh.<br /><br />Por a do të arrestohet Hoxha për të vuajtur dënimin?<br /><br />Aktualisht vendimi për të dy rastet është ankimuar nga ish zyrtari i Bashkisë Florenc Hoxha në gjykatën e Apelit. Deri në një vendim të Apelit i cili është dhe vendim që ka formë të prerë gjithçka do të mbetet pezull dhe Hoxha do të qëndrojë në liri.
