Agjencia e Trajtimit të Pronës ka bërë me dije se ka rritur nga 57%, në 70% masën e kompensimit financiar për pronarët e prekur nga ndërtimet pa leje.<br /><br />Përmes një deklaratë për shtyp, ATP ka bërë me dije se nga ky proces do të përfitojnë menjëherë shpërblimin 1487 aplikime me vlerë totale 1,052,503 131 lekë.<br /><br />Ndërsa për pronarët të cilëve u është miratuar vlera e shpërblimit në VKM-të përkatëse, dhe do të aplikojnë për herë të pare në vijim do të përfitojnë një masë kompensimi/shpërblimi prej 70 % të vlerës së miratuar.<br /> <br />Në vijim ATP angazhohet se do të punoje për të arritur objektivin që brenda një afati të arsyeshëm të arrihet në 100 % masa e shpërblimit, duke përmbyllur në këtë mënyrë një proces mjaft të rëndësishëm.<br /><br />Objektivi i qeverisë dhe i ATP-së është kryerja paralelisht e dy proceseve shumë të rëndësishme atë të nisur tashmë nga ALUIZNI për legalizimin e ndërtimeve pa leje dhe i kompensimit të pronarëve prona e të cilëve preket nga këto ndërtime nga ana tjetër.
