Kreu i Partisë Agrare Ambientaliste Agron Duka ka nisur turin e takimeve në rrethe me strukturat e kësaj force politike ndërsa ndalesa e parë ka qenë qyteti Shkodrës, nga ku ka deklaruar se forca që drejton synon që në zgjedhjet e ardhshme të ketë përfaqësuesit e saj në Parlament.<br /><br />Përpara anëtarëve të kësaj force politike Duka theksoi se procesi i riorganizimit, hapjes dhe forcimit të PAA, duke u rritur në numër nëpërmjet prurjeve të reja, është treguesi që një parti po përçohet drejt progresit.<br /><br />I pranishëm në këtë takim ka qenë edhe kryetari i Asamblesë Lufter Xhuveli i cili theksoi se me riorganizimin e ri të PAA- së në zgjedhjet e 2017- ës, kjo forcë politike pretendon të ketë grupin e vët parlamentar.<br /><br />Në këtë takim të parë të anëtarëve të Kryesisë të partisë Agrare Ambientaliste, kreu Agron Duka është njohur me strukturat aktuale të Partisë të këtij Qarku, ndërsa janë emëruar edhe kryetarët e Forumit të Gruas dhe te Rinisë.
