Kanë përfunduar zgjedhjet për Rektor në Universitetin e Tiranës. Numërimi i votave të pedagogëve që përbëjnë 90% të votave të llogaritura në total ka nxjerrë fitues si rektor të UT-së, me 460 vota, kandidatin Mynyr Koni, aktualisht Dekan i Fakultetit të Shkencave të Natyrës.<br /> <br />Kandidatja Klodeta Dibra ka marrë 243 vota gjë që e bën të vështirë një ndryshim të rezultatit duke llogaritur edhe votat e studentëve që përbëjnë 10%.<br /> <br />Mynyr Koni ka fituar në të gjitha fakultetet, përjashtuar ate te Gjuhëve të Huaja, ku Klodeta ka fituar me 100 vota ndaj 36 ne favor te tij.<br /> <br />Pas përfundimit të numërimit të votave të pedagogëve, ka nisur procesi i numërimit të votave të studentëve.<br /> <br />Më herët, pedagogia Majlinda Keta, kryetare e Komisionit Institucional Zgjedhor në Universitetin e Tiranës, në një prononcim për Report Tv ka konfirmuar se kanë votuar 98% e stafit pedagogjik.<br /><br />Gjithashtu, zyrtarisht është mësuar se në zgjedhjet për Rektorin e ri të Universitetit të Tiranës, kanë votuar 50% e studentëve.
