Gjykata Kushtetuese ka rrëzuar kërkesën për pezullimin e ligjit të kthimit dhe kompensimit të pronave. Pala ankimuese kërkoi pezullimin e zbatimit të ligjit, duke pretenduar se ai cenon të drejtën e pronarëve. Por, Kushtetuesja nuk ka marrë vendim për të vlerësuar nëse ligji është apo jo në përputhje me Kushtetutën. <br /><br />Vendimi i Gjykatës Kushtetuese për vlefshmërinë ose jo me Kushtetutën e Republikës, do të jepet në ditët në vijim. <br /><br />Ligji u ankimua nga Presidenti, Partia Demokratike, Partia Republikane dhe përfaqësues të Shoqatave të Pronarëve. <br /><br />Në seancën e sotme gjyqësore përfaqësuesit ligjorë të Presidencës parashtruan argumentet kundër këtij ligji, zbatimi i të cilit sipas tyre, potencialisht dobëson pozitën e pronarëve, që tashmë kanë një vendim përfundimtar të formës së prerë dhe që prej vitesh presin të ekzekutohet.<br /><br />Sipas Nishanit, ndërhyrja e shtetit përmes këtij ligji nuk është proporcionale, por përkundrazi është arbitrare dhe cënon rëndë standardet e Kushtetutës së Shqipërisë, duke cënuar të drejtat e pronarëve dhe subjektet e tjera që janë në pritje prej vitesh të trajtimit të kërkesës së tyre për kthim/kompensimin e pronës.<br />Presidenti kërkon pezullimin e zbatimit të ligjit të pronave deri në dhënien e vendimit përfundimtar nga Gjykata Kushtetuese.<br /><br />Ndërsa për përfaqësuesin e Partisë Demokratike, deputetin Oerd Bylykbashi, ligji parashikon vetëm kompensim fizik dhe se nuk e njeh konceptin e kthimit të pronës. ?Ligji i ri nuk e njeh konceptin e kthimit të pronës. Ligji e kthen pronën në kohën e komunizmit?, tha Bylykbashi.<br /><br />Ligji ?Për trajtimin e pronës dhe përfundimin e procesit të kompensimit të pronave?, u miratua në Kuvend më 5 dhjetor 2015, vetëm me votat e maxhorancës.<br /><br />Më 11 dhjetor Presidenti refuzoi ta dekretojë ligjin, duke e rikthyer për shqyrtim në parlament. Në fillim të sesionit të ri, në seancën e 21 janarit, Kuvendi e rrëzoi dekretin duke lënë në fuqi ligjin në fjalë. <br /><br />Ligji i ri i pronave parashikon një fond prej 24 milionë dollarësh për kompensimin e pronave të pronarëve.
