Biznesmeni i njohur Nikollaq Neranxi është shoqëruar në Komisariatin numër 6 nga forcat e policisë pasditen e së shtunës.<br /> <br />Shkak janë bërë gjobat e vendosura nga punonjësit e rendit ndaj mjeteve të kompanisë së biznesmenit, në çastin kur në ambientet e saj zhvillohej një panair.<br /> <br />Sipas Policisë, biznesmeni u shoqërua për shkak të fyerjeve dhe ofendimeve drejtuar punonjësve të rendit.<br /> <br />Vetë biznesmeni është shprehur për Report TV se nuk ka ofenduar asnjë prej punonjësve.<br /> <br />Ai ka shtuar se, ka kërkuar që të shkojë vetë në polici, ndonëse është ndjerë keq, pasi shoqërimi është bërë në prani të ambasadores së Kinës, e cila ka qenë e pranishme në momentin e ngjarjes.
