Gramoz Ruçi është rizgjedhur Sekretar i Përgjithshëm i Partisë Socialiste. Ruçi ka marrë 266 vota "pro", 2 kundër dhe 3 të pavlefshme, të anëtarëve të Asamblesë Kombëtare të PS. Gramoz Ruçi ka marrë një mbështetje maksimale duke u konfirmuar kështu për një tjetër mandat si numri dy i Partisë Socialiste. Asnjë emër nuk rivalizoi kandidaturën e tij si numri 2 i Partisë pavarsisht pretendentëve që u lakuan në media për këtë post.<br /><br />Bashkim Fino është zgjedhur Sekretar për Organizimin Administativ me 260 vota. 249 vota ka marrë Musa Ulqini duke u zgjedhur kështu Sekretar për Burimet Njerëzore e Marrëdhëniet e Koalicionit.<br /><br />Me 247 vota është zgjedhur Sekretari për Organizimin Dixhital, Alfred Peza. 246 vota "Po" kanë shkuar për Blerina Gjylametin e cila zgjidhet Sekretare për Koordinimin Elektoral.<br /><br />Sekretarja për Rininë, Elisa Spiropali është zgjedhur me 243 vota "Po".<br /><br />240 vota kanë shkuar për Ilir Beqajn si Sekretar për Programin. Koço Kokëdhima është zgjedhur me 217 vota Sekretar për Reformën dhe Emigracionin.<br /> <br />Kokëdhima rezulton më pak i votuari nga 7 Sekretarët e tjerë të zgjedhur sot nga Asambleja Kombëtare e PS. <br /><br />Këtë të shtunë asambleja zgjodhi strukturat e reja drejtuese të ps, 7 sekretarët dhe 20anëtarët e rinj të asamblesë.<br /><br /><br />Jashtë kësaj strukture mbeten jashtë krahas kritikut Ben Blushi dhe depuetet Besnik Bare, Eduard Shalsi, Shkëlqim Cani , Arta Dade e Namik Dokle. Këta dy të fundit u dorëhoqën nga gara. Dade sepse nuk ndante të njëtat parime me drejtuesit e partisë dhe Dokle për t?i lënë vendin më të rinjve, pasi pati paralajmëruar më herët një tërheqje nga politika.
