Bojkoti 10 ditor i opozitës në solidaritet me pezullimin e Sali Berishës është përkthyer nga kryeministri Rama si tentative e rradhës për të bllokuar reformën në drejtësi.<br /><br />Gjatë pjesës së hapur për media të mbledhjes së grupit të deputetëve, Rama theksoi se selia blu zgjodhi të dalë në krah të atij që bllokon reformimin e drejtësisë. <br /><br />?Masës së drejtë të marrë nga Kuvendi për të mos lejuar për 10 ditë atë që bëri thirrje për marrjen e armëve që të jetë pjesë në veprimtarinë e Kuvendit, Pd i është përgjgijur me bojkot 10 ditë, pra me solidaritet të plotë me thirrjen merrni armët që të mbrohemi nga reforma në drejtësi. E gjithë përpjekja për të kriminalizuar çdo gjë që qeveria bën apo ndërton i është shtuar nevoja e brendshme për të penguar me çdo kusht reformën në drejtësi? tha Rama.<br /><br />Kryeministri u ndal gjatë tek reformat e kryera nga qeverisja socialiste gjatë këtyre 3 viteve dhe tek ekonomia duke folur me shifra konkrete. Ndërkaq ai kishte dhe një mesazh për ata që i quajti ? shakaxhinjtë e rimëkëmbjes? por pa përmendur emra konkretë se cilët ishin ata.<br /><br />"Asnjë kompani nuk ka ikur nga Shqipëria përveç një kompanie në fushën e naftës dhe arsyeja e largimi tska qenë aspak e lidhur me klimën e biznesit, por ka qenë e lidhru me çmimin e ulët, me një marrëveshje shumë të pafavorshme të vetë kompanisë me një kompani tjetër," u shpreh kryeministri.
