Thirrja për armatosje e ish-kryeministri Sali Berisha në seancën e shkuar parlamentare nuk është diskutuar ende në mbledhjen e grupit parlamentar të Partisë Demokratike.<br /><br />Kështu ka deklaruar deputetja e PD-së Jorida Tabaku, e ftuar në emisionin "5 pyetje nga Babaramo" se ajo ç'ka deputeti Berisha deklaroi të enjten, ishte thjesht një propozim i tiji politik.<br /><br />"Kjo është një nismë personale e tij. Neve nuk e kemi disktuar në grupin parlamentar të PD-së. Berisha u dënua për një propozim të tijin politik. Berisha është në të drejtën e tij që të propozojë një ligj," tha Tabaku.<br /><br />Por sipas saj, deklarata e Berishës i dha mundësinë maxhorancës që të devijonte diskutimet parlamentare nga çështja Shullazi.<br /><br />"Qeveria devijon diskutimin sa herë është në mes të skandaleve. Qeverisë dhe maxhorancës nuk i intereson që ne të jemi në parlament," shtoi deputetja e PD-së.<br /><br />Por sipas Tabakut, opozita do të vazhdojë që të denoncojë në parlament lidhjet e qeverisë me krimin dhe me korrupsionin.<br /><br />Tabaku po ashtu u ndal edhe tek reforma në drejtësi, ku tha se ata që e pengojnë miratimin e saj, nuk janë në anën e PD, pasi kjo e fundit është pala më e interesuar që ajo të bëhet.<br /><br />Ndërsa sa i përket gjendjes ekonomike në vend, Tabaku tha se ka humbur besimi i konsumatorëve, pasi nuk ka stimulim të biznesit.<br /><br />"Investimet publike sjellin vend pune, nxisin ekonominë. Por ne kemi investime publike që nuk nxisin ekonominë. Investimet publike të qeverisë nuk kanë gjallëruar ekonominë," shtoi Tabaku.<br /><br />Më tej deputetja e djathtë tha se PD ka propozuar një strategji për të arritur tek taksa e shestë, pasi kështu krijohet një bazë tatimpaguese më e gjerë.<br /><br />"Ulja e taksave do të ndodhë hap pas hapi për të stimuluar sektorë të caktuar të ekonomisë. Ulja e taksave ka një qëllim: formalizimin dhe krijimin e kushteve të barabarta për një ekonomi tregu, heqjen e presionit ndaj bizneseve," u shpreh Tabaku.
