Prej më shumë se një viti një padi e Bankës së Shqipërisë për kthimin e 713 milion lekëve të vjedhura nga thesari në Linzë, qëndron pezull në gjykatën civile të kryeqytetit.<br /><br />Kjo padi është paraqitur nga juristët e Bankës së Shqipërisë ku kërkohet që të dënuarit Ardian Bitraj e Mimoza Bruzia të kthejnë lekët e vjedhur. Por në këtë proces nuk ka asnjë zhvillim dhe me vendim gjykate gjithçka është pezulluar pasi dy të dënuarit kanë apeluar fajësinë që rëndon mbi ta.<br /><br />Ky apel siç dhe shihni në faksimile është depozituar më 29 Maj 2015 në gjykatën e apelit, nga Bitraj e Bruzia por tashmë kur kanë kaluar plot 11 muaj Apeli nuk ka asnjë vendim apo përparim mbi këtë proces.<br /><br />Në të njëjtën situatë ndodhet dhe padia e Bankës së Shqipërisë për kthimin e shumës së vjedhur prej 713 milion lekë, padi kjo e depozituar më 30 Mars 2015 por e pezulluar nga gjyqtarja Rezarta Balliu për shkak të mungesës së një vendimi fajësie të formës së prerë për Bitrajn e Bruzian.<br /><br />Kur kanë kaluar më shumë se 2 vite nga skandali i vjedhjes së thesarit drejtësia ende nuk ka mundur të dënojë me vendim të formës së prerë të dyshuarit cka ka sjellë për pasojë dhe bllokimin e padisë për kthimin e parave të vjedhura.<br /><br />Këto para të vjedhura i përkasin shqiptarëve dhe arkës së shtetit, por dhe pas dy vitesh këto lekë s'dihen se ku kanë përfunduar pasi dhe prokuroria arriti të sjell prova bazuar në dëshminë e Bitrajt se një pjesë e tyre u harxhuan në bixhoz.<br /><br />Gjykata e apelit ka mundur të caktojë vetëm relatorin e çështjes i cili është Fatos Qato por ende nuk është vendosur një datë se kur nis ky proces i cili do ti hapte rrugë padisë civile për kthimin e parave të vjedhur.
