Në vijueshmëri të hetimeve për dosjen Shullazi, Prokuroria e Krimeve të Rënda, ka nxjerrë dhe një urdhër sekuestrimi të llogarive të kompanisë arabe ?Saudi Brothers Commercial Company? dhe administratorit të kësaj kompanie Ylvi Beqja.<br /> <br /> Lajmi konfirmohet nga Prokuroria e Krimeve të Rënda, por edhe nga vetë administratori Beqja, i cili gjatë një komunikimi me gazetën ?Shqiptarja.com? pranoi se prokuroria ka vendosur një masë bllokuese ndaj llogarive bankare të tij.<br /> <br />Ndërkohë masë sekuestroje është marrë edhe për garazhin 1200 m2 që ndodhet në zonën e ?Nesharakut? në Tiranë.<br /><br />Megjithatë, Beqja ka shpresuar se ky bllokim është i përkohshëm deri në sqarimin e plotë të rrethanave të kësaj ngjarje.<br /> <br />Nga ana tjetër sipas Prokurorisë, dyshohet se prona ish-hotel Vollga është përfituar me anë të dokumenteve të falsifikuara dhe për pasojë shitja e një pjese të saj, mund të ketë sjellë konsumimin e elementeve të veprës penale të pastrimit të parave. Për këtë fakt, është vendosur sekuestrimi i pronës dhe bllokimi i llogarive bankare thonë burimet.<br /> <br />Ndërkohë në ditët në vazhdim pritet që administrator i kësaj kompanie Ylvi Beqja, ta merrte në pyetje lidhur me atë që ka ndodhur me pronën tashmë të shumëpërfolur dhe dhurimin e 20 për qind të kësaj pasurie tek Emiljano Shullazi.<br /> <br />Në një intervistë të dhënë në ?Shqiptarja.com?, Ylvi Beqja ka deklaruar se Emiljano Shullazin e ka pasur komshi prej 13 vitesh dhe i ka kërkuar ndihmë që ta mbronte pasi i rrezikohej jeta nga pala kundërshtare.<br /> <br />Për pasojë, si shpërblim të kësaj, Beqja me miratimin edhe të pronarit arab të kompanisë ?Saudi Brothers Commercial Company? i ka dhuruar një pjesë të pronës shtetasit Emiljano Shullazi në shenjë mirënjohje.<br /> <br />Ndërsa pjesë tjetër prej 1749 m2 është shitur kundrejt 671 mijë euro, tek Fejzi Kodra.
