Një ditë pas grabitjes së bujshme të 180 mijë dollarëve pranë hotel Sheraton në kryeqytet policia jep detajet e ngjarjes. Në një njoftim zyrtarë blutë e Tiranës thonë se nga këqyrja e kamerave të sigurisë së biznesit ku ndodhi ngjarja rezulton se dy agresorët ende të paidentifikuar kanë qenë të paarmatosur dhe të pa maskuar.<br /><br />Nga hetimet paraprake ka rezultuar se arkëtarit të një firme të këmbimit valutor i identifikuar si Sajmir Hasani 38 vjeç, dhe shoqëruesit të vlerave monetare të po kësaj pike këmbimi valutor B.XH 55, dy agresorët i kanë marrë çantën me 180 mijë dollarë.<br /><br />Sipas policisë njëri nga autorët ka tërhequr çantën nga dora Sajmir Hasanit ndërkohë që bashkëpunëtori i tij ka goditur me shkelm shoqëruesin e tij. Të dy kanë marrë paratë dhe janë larguar me vrap drejt motorit që e kishin lënë vetëm pak metra larg vendit ku ndodhi ngjarja.<br />Dy personat qe u grabiten u shoqëruan nga policia në komisariatin nr.1, ndërsa hetuesit vijuan me marrjen e pamjeve regjistruara nga kamerat e sigurisë.<br /><br />Ngjarja ndodhi pasditen e së martës rreth orës16:00. Grupi hetimor po vazhdon punën për identifikimin dhe vënien para përgjegjësisë së autorëve të kësaj vepre penale. <br /><br />Ja njoftimi i policisë<br />Më datë 26.04.2016 rreth orës 16:00, në rrugën ?Dervish Hima?, tek ambientet e jashtme të një biznesi lokal, ka ndodhur një grabitje me dhunë, ku është marrë një shumë e konsiderueshme vlere monetare.<br /><br />Nga hetimet paraprake dhe kqyrjes së kamerave në vendin e ngjarjes, ka rezultuar se shtetasve S. H., 38 vjeç, banues në Tiranë, me detyrë arkëtar i një firme këmbimi valutor, B. Xh., 55 vjeç, banues në Tiranë, me detyrën e shoqëruesit të vlerave monetare të kësaj pike këmbimi valuator, në momentin që kanë dalë nga një bankë e nivelit të dytë, u janë afruar dy persona pa maska dhe pa armë, ku njëri nga dy autorët e kësaj ngjarje i ka marrë çantën me shumën monetare shtetasit S. H., ndërkohë bashkëpuntori ka goditur me shkelm shoqëruesin, shtetasin B. Xh dhe janë larguar me vrap drejt motorrit që e kishin lënë vetëm pak metra më larg. <br /><br />Grupi hetimor po vazhdon punën për identifikimin dhe vënien para përgjegjësis së autorëve të kësaj vepre penale. <br />Materialet proceduriale i kaluan Prokurorisë pranë Gjykatës Shkallës së Parë Tiranë, për veprën penale ?Vjedhje me dhunë e kryer në bashkëpunim?, parashikuar nga Neni 139/25 i Kodit Penal.
