Nis prishja e ndërtimeve tek Liqeni Artificial.<br /><br />Inspektorati Ndërtimor Urbanistik Vendor ka nisur prishjen e disa lokaleve të cilat kanë ndërtuar mbi ujwrat e Liqenit Artificial, pa leje.<br /><br />Një aksion i tillë është paralajmëruar edhe nga kryebashkiaku Erion Veliaj pak ditë më parë.<br /><br />Pritet që të prishen të gjitha ndërtimet, duke përfshirë lokalet dhe hotelet të cilat kanë betonizuar parkun e Liqenit Artificial.<br /><br />Do të prishen lokalet të cilat ndodhen pranë digës së Liqenit, ato që janë në qendër të parkut por edhe ndërtesat tek zona pranë Fakultetit Histori-Filologjisë.<br /><br />Por një pjesë e bizneseve të cilat ndodhet në këtë park, thonë se kanë leje për lokalet, ndërsa Bashkia e Tiranës ka parashikuar prishjen e të gjitha ndërtesave.<br /><br />Këto ndërtime kanë lulëzuar prej vitesh dhe askush nuk është kujtuar ti rrëzojë.<br /><br />Pritet që ky aksion i Bashkisë të shoqërohet edhe me kundërshtime nga pronarët e bizneseve, për këtë arsye edhe Polica e Shtetit do të jetë e pranishme.
