8 mijë vende pune ofrohen në panairin e punës, në të cilin marrin pjesë 130 sipërmarrje.<br /><br />Kështu ka deklaruar kryeministri i vendit Edi rama në çeljen e këtij panairi, ku ka theksuar se Shqipëria ka vende pune, por duhen punëtorë të kualifikuar.<br /><br />Nga ana tjetër, Rama ka shtuar se, qeveria mbetet urë solide mes biznesit dhe punëkërkuesve, por tregu i punës në vend kërkon punonjës të kualifikuar.<br /><br />?Qeveria urë solide mes biznesit dhe punëkërkuesve. Panairi është tregues i përpjekjeve të qeverisë sonë. Në panair ka shumë oferta punësimi. Janë 8 mijë vende pune që ofrohen nga 130 sipërmarrje. Shqipëria ka punë, por kërkohen punonjës të kualifikuar. Janë 31 mijë vende pune që janë të hapura, por 55% e punëkërkuesve janë pa arsim dhe 40% e kërkesave janë për teknikë e specialistë. Mungojnë njerëzit e kualifikuar? ka thënë Rama.<br /><br />Ai ka shtuar se punësimi në sektorin privat është një mundësi e mirë, pasi nuk ekziston vetëm mundësia e punësimit në shtet.<br /><br />?Sipërmarrjet e suksesshme janë dyfishuar. Kërkohen punonjës të të gjitha kategorive. Kush do punë, të vijë dhe të tentojë të gjejë punën përmes aplikimeve? ka përfunduar ai.<br /><br />Sakaq, Ministri i Mirëqënies Sociale e Rinisë, ka thënë se, gjatë kësaj kohe janë 5 fishuar fondet për nxitjen e punësimit, ndërkohë që janë reformuar rrjetet e zyrave të punës.<br /><br />Ai ka shtuar se Shqipëria ka punë, por duhen profesionistë.<br /> <br />?Në Shqipëri ka punë, por duhen profesionistë. Sot ka 31 mijë kërkesa për vende të reja pune. Mungojnë njerëzit e kualifikuar në Shqipëri. Biznesi kërkon profesionistë, por që mungojnë? ka thënë Klosi.<br /> <br />Panairi i punës pritet që të vizitohet nga 35 mijë persona dhe konsiderohet si rol strategjik për punësimin e personave që janë punëkërkues të papunë.<br />Në këtë panair do të evidentohen 540 kompani private.
