Partia Fryma e Re Demokratike ka festuar sot 4 vjetorin e themelimit të saj, ku i pranishëm ishte edhe kryeministri Edi Rama. Kryetari i FRD-së Bamir Topi tha gjatë fjalës së tij se FRD ka qenë dhe do të jetë e pozicionuar në qendrën e djathtë duke e cilësuar themelimin e saj si nevojë të kohës.<br /> <br />Teksa bëri një retrospektivë të zhvillimeve të partisë, Topi u shpreh se FRD nuk u mirëprit nga një pjesë e politikës, por mori parasysh një sërë risqesh.<br /> <br />"Shumë shpejt u kuptua fobia për këtë forcë të re politike, të manifestohet me përdorimin e gijotinës së komisioneve politike, duke e lënë FRD jashtë parlamentit," tha Topi ndërsa shtoi se i nevojshëm korrigjimi i ligjit të zgjedhjeve.<br /> <br />Në fjalën e tij kreu i FRD-së u ndal edhe tek reforma në drejtësi, duke deklaruar se drejtësia fillon tek e drejta e votës.<br /><br />"Është diskutuar dhe është në fokus çështja e reformës në drejtësi. FRD ka shpalosur propozimet e veta në mënyrë zyrtare duke e konsideruar reformën në drejtësi një çështje jetike për Shqipërinë dhe të ardhmen e saj. Drejtësia fillon tek e drejta e votës. Vetëm duke patur institucion korrekt të zgjedhjeve kam besim te ecuria e reformës," tha Topi.<br /><br /><br />Në fund të fjalës së tij ai tha se është jetike që t'i hapet më shumë hapësirë bashkëpunimit me të rinjtë në të gjitha partitë politike.<br /><br />Topi kujtoi se ?në dy vitet e fundit të periudhës si President i Republikës u përballa me sulme të padenja të paprincipta. Sulme mjaft violente nga maxhoranca e kohës. Nuk dëshiroj t?i kthehem një kapitulli që tashmë është i mbyllur. Pikërisht këtu gjeta një motivim të fortë për të vazhduar politikën.?
