Një aksident me pasojë vdekjen e 2 personave dhe plagosjen e dy të tjerëve është regjistruar mesditën e kësaj të shtune në Liqenin e Shkopetit, në aksin rrugor Milot-Burrel.<br /><br />Një makinë tip Mercedez me targa AA 923 FH, që po udhëtonte nga Burreli në drejtim të Tiranës, sapo ka kaluar tunelin në afërsi të HEC-it të Shkopetit, ka dalë nga rruga, duke përfunduar në greminë.<br /><br />Aksidenti ka qenë fatal për dy nga udhëtarët, të cilët kanë humbur jetën në vend. <br /><br />Makina tip ?Benz? është në pronësi të Ajet Rexhepit.<br /><br />Të plagosurit janë transportuar në spitalin e Laçit, ndërsa mësohet se gjendja e tyre shëndetësore është e rëndë.<br /><br />Ndërkohë që policia po punon për zbardhjen e plotë të rrethanave të aksidentit si dhe identitetit të viktimave.
