Parku Rinia për herë të parë sot është kthyer në një skenë vallëzimi. <br /><br />Kanë qenë kërcimtarë të 16 shkollave dhe studiove të ndryshme të vallëzimit që kanë performuar që në orët e para të mëngjesit. Kjo ditë ndryshe për kryeqytetin e Tiranës konceptohet me rastin e ditës ndërkombëtare të vallëzimit.<br /><br />Një maratonë e madhe vallëzimi ka nisur që në orët e para të mëngjesit në parkun Rinia. Aktiviteti zhvillohet në kuadër të Ditës Ndërkombëtare të Kërcimit. Po ashtu, nuk mungojnë artistët e ftuar dhe surprizat që përmban një festë e vërtetë.<br /><br />Qytetarët e pranishëm po shijojnë artin e vallëzimit dhe atmosferën festive. Profesionistë, amatorë, të pasionuar, të gjithë vallëzojnë me të njëjtin motiv: ?Vallëzim non-stop?.<br />Nuk ka munguar entuziazmi. Koreografë dhe balerinë profesionistë janë kanë nxitur sot talentin dhe impulsin natyral të njeriut për të vallëzuar.<br /><br />Aktiviteti është zhvilluar nën kujdesin e Agjencisë së Parqeve dhe Rekreacionit dhe Drejtorisë së Promovimit të Qytetit dhe do të vijojë deri në mesnatë me valltarë nga 16 shkolla dhe studio kërcimi.
