Nga 61 bashki, vetëm 17 prej tyre marrin notë kaluese sa i takon zbatimit të ligjit për të drejtën e informimit. Një fakt të tillë e pohoi sot Drejtori i Qendrës për Çështjet e Informimit Publik, Gerti Shella, gjatë prezantimit të raportit të monitorimit për të drejtën e informimit në nivel të qeverisjes vendore.<br /> <br />Sipas raportit, vetëm 25 bashki kanë faqe zyrtare në internet, ndërsa 35 të tjerat nuk kanë fare faqe aksesimi online.<br /> <br />52 bashki nuk kanë adoptuar programet e transparencës, ndërsa ajo që bie në sy është se Bashkia e Tiranës ka marrë notën katër për këtë pjesë.<br /> <br />?Vetëm 14 bashki kanë publikuar vendimet e Këshillit Bashkiak. Përsa i përket rankimit të bashkive, Bashkia Tiranë vlerësohet me notën 4 për programin e transparencës?, tha Shella.<br /> <br />Ndërkohë, komisioneri për mbrojtjen e të dhënave personale, Besnik Dervishi u shpreh se ligji për të drejtën e informimit përcakton edhe sanksione ndaj bashkive.<br /><br />?Ne kemi mundësi të vendosim gjoba, por detyra jonë është që bashkitë të jenë transparente. Mungesa e dhënies së informacionit vjen prej neglizhencës si dhe mungon aftësia profesionale nga ana e koordinatoreve. Gjithashtu bashkitë nuk e duan transparencën?, tha Dervishi.<br /> <br />Ai theksoi se nga 274 kërkesa, 199 janë zgjidhur me ndërmjetësim.<br /><br />?70% e ankesave është zgjidhur me ndërmjetësimin e zyrës së komisionarit?, vijoi ai.
