Kjo iniciativë e ambasadorëve për të qenë prezent gjatë diskutimeve në mbledhjet e grupeve parlamentare ka shkaktuar debate edhe në seancën Parlamentare.<br /><br />Për kryeministrin Rama kjo është një gjë normale, duke deklaruar gjithashtu se ambasadorët duan të takohen me grupin demokrat, pasi sipas tij të majtët janë gati ta votojnë reformën.<br /><br />"Nuk e di nëse ka ndodhur në vendet e tjera, por nëse ndodh në këtë ndodh edhe për takim me grupin tuaj. Pasi në grupin e PS e LSI ata janë të mirëseardhur por nuk kanë asgjë as për të kërkuar aspër të sqaruar, e as për të sheshuar, sepse koalicioni ynë, PS e LSI, janë shprehur shumë qartë, janë shprehur të gatshëm ta votojnë paketën e ndryshimeve kushtetuese që dje. Ju s'keni qenë të gatshëm", tha Rama. <br /><br />Ndërsa ish kryeministri Sali Berisha u shpreh se reformën në drejtësi nuk e do kryeministri Edi Rama. <br /><br />"Çfarë iu gjeti ju që e shtytë. Ju kapi barku? Të besosh ti se e lë Surreli atë për të bërë reformën, është njësoj si të besosh se rrethi është katror", u shpreh Berisha.
